पाठेघर क्यान्सरबाट भारतमा वर्षको ७३ हजारको जान्छ ज्यान
नयाँ दिल्ली – वर्षमा करिब ७३ हजार भारतीय महिलाको पाठेघर क्यान्सरका कारण निधन हुने गर्छ। अमेरिकामा आधारित एक अध्ययन संस्थानले सार्वजनिक गरेको रिपोर्टअनुसार विश्वणमै पाठेघर क्यान्सरका कारण मर्नेहरुमध्ये २६.४ प्रतिशत भारतीय महिला रहेका छन्।
कार्भिकल क्यान्सर ग्लोबल क्राइसिस कार्डले सार्वजनिक गरेको तथ्याङ्कअनुसार चीन, वंगलादेश, पाकिस्तान, इन्डोनेसिया र थाइल्यान्डमा पनि धेरै महिलाको ज्यान यसैका कारण जाने गरेको छ।
पाठेघर क्यान्सरबाट वर्षेनी विश्वभर २ लाख ७५ हजार महिलाको ज्यान जाने गर्छ। र, हरेक वर्ष यो रोगबाट मर्नेको संख्या बढ्दो छ। उपचार गर्न सकिने भए पनि कम आय भएका मुलुकहरुमा यसले धेरैको ज्यान लिने गरेको छ। क्यान्सरमध्ये यो सबैभन्दा धेरैको ज्यान लिनेमा दोस्रो भएको छ।
-नागरिक
